25 July,08 — Serial bomb blast in bangalore

Abhi kuch ghnato pahle 7 bomb blast hue bangalore . main apne office main baitha baitha logo se aur net per sab padh aur sun raha huin. Jab ek blast hua to kisi ne bataya mujhe , phir ek aur hua, phir ek aur…..ek aur iss tarah 7 ho gaye. Ek lady mar geyi hai aur around 5 peoples injured hogaye hain. 2 blast silk board ke pass hue hain jo mere residence se 3 km hai uar ghar jane ke liye cab udhar se he jaati hai. Office main thodi der tak to chahal pahal rahi phir sab apna apna kaam karne lage.  Aur main ne rediff per iss news wala page open karke updated news aur usme diye logo ke comment padhne laga. Thodi thodi der main news update ho rahi hai aur different logo ke different comment padh raha huin.
log precautionary act ya advice dene ke vajaye politics, govt, community, leaders ko blame kar rahe hain. Koi bol raha hai ki muslims ko desh ke bahar nikal do to koi bolta hai democrecy gaya bhaad main army ko desh chalene do, to koi balta hai ki chalo india in sab ke khilaff chade ho jao inko muhtod javab dene ke liye. In sab comments ko padh kar ek baat to saaf hai ki logo ke dil main govt aur politics ke khilaaf kitna gussa hai. Ek baat aur lag rahi hai mujhe, yahain per logo ke comments aise aise hain ki lagta hai ki likhte waqt aankhe gusse se lal hongi aur abhi ja kar koi anti terroriist group banyeinge ya phir office se nikal kar govt ke khilaaf dharne per nikal padienge. Lakin aisa kuch nahi hone wala hai. Yahain internet per her kisi ko freedom hain koi kuch bhi kah sakta hai, lakin kahne aur karne main bahut fark hota hai. Her insaam yahain kisis na kisi muslim ko jaan ta hoga uska dost hoga padosi hoga to phir vo muslims ko india se nikalne ki baat kaise kar sakta hai. Itna chillane se accha hai ki kuch socho aur karo bhi.
Sab system mein he hai isko change karo sab change hoga. Kahte hain na samander ek ek boond se banta hai agar boond he gandi hogi to samander bhi vaisa he hoga. Agar her ek boond apne aapko saaf karle to samander khud-ba-khud saaf ho jayega. Agar hamain system badalna hai to kya hum apne aap ko change kar sakte hain kya? hain main kar sakta huin, shayad her insaan yahi answer dega. OK lets take a case agar vo watchman jo raat bhar jaagta hai 3000-/-4000/- ek month ki salary ke liye, usse ek raat ek aadmi road per dikhta hai ek beg ke saath,  watchman usse rokta hai to vo sahi insaan nahi lagta hai usse, aur phir vo insaan watch man ko 20000/- dikhata hai aur deta hai, guess watchman kya karega. My guess vo usse jane dega aur paise le lega.  Aur agar ye 20000/- 20000000/- kar diye jaye to vo unke saath chal bhi dega shayad jo vo kahega karne ke liye.
Agar system change karna hai to aise watchman, aisi mansikta ko change karna hoga. Kahna aasan hai karna nahi. Agar main sochuin mera ghar sirf mera ghar he nahi poora india hai to main thukne ke liye sirf bustbin ke paas jauinga. Jahain gandagi dikhegi usse dekh kar sirf ignore nahi karuinga. Kisi anjaan insaan ko dekhkar muhh nahi moduinga. Apne ghar main rahne wale logo ki china karuinga aur dekhbhal bhi. Ye aasan nahi hai main ne pahle he kaha tha bahut miskil hai. to system change kaise ho????

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s