The train to my village

                 Main ne inderpal bhaiya ko phone kiya ki shaam ki train se main bhi gao chal raha huin, bhaiya ne kaha ki bike le jao main ne kaha train se gaye bahut din ho gaye, aaj train se jauinga. 6:45PM train ka timing tha main ready ho raha tha tabhi mummy ne kaha ki indrapal yahin ayega cycle rakhne ke liye lakin nahi aaye, 6:40 tak tab main ne unko phone kiya unhone kaha ki cycle stand per khadi kar di hai. phir mujhe laga train choot jayegi aur main ne dharmendra ko bola ki bike se station tak chodo mujhe usne bike start kia aur main bag uttha kar chal diya. bike rukne se pahle he dekha ki train chal di hai ticket lene ka time nahi hai, main ek baar phir bina ticket ke chad gaya train main.
                 Train ke chalte he mujhe, mera train ke saath last wala incident yaad aaga. train ke door per log khade the main unke beech se nikal kar andar jaane kaga to hawa achanak badal gayi ek smell jo naak ko pasand nahi aayi mujhe jhelni padi phir main ne socha kahain baithne se accha hai ki door per he khada ho kar bahar dekuin aur hawa bhi uss smell ke bina milegi. train chal di thi, bahar sab kuch ped, log, building, zameen peech jaane lagi thi, bahut dino baad ye sab dekh raha tha bahut accha lag raha tha. Beech beech main ghoom ke peech dekh raha tha ki mere peeche kon khada hai aur kahin wo mere beg per ghat lagaye to nahi baitha hai. Beech main jab bhi train dheemi hoti to yahi dar lagta ki ticket checking na ho jaye aur last time ki tarah main bina ticket pakda jauin,  phir sochta ki yaar hawaldaar ayega 1000 duinga to uska baap bhi chod dega mujhe. Yahi sab sochte sochte train bakshi ke talab station per pahuchi.
                       Rukte he main utra aur ticket window per kahuch ka 50/- diye ticket ke liye usne 17/- liye aur baaki wapas kar diye. phir main train ke paas aaya train phir chal di thi. Paas jaate door ko pakda aur andar gaya iss baar door per kuch aur log bhi khade the to mujhe andar jaana he pada. khidki pakde kahada tha tabhi laga koi meri jeans kheech raha hai dekha to ek bhaisahab thoda sa khisak kar 5 inch ki khaali jagah ki taraf ishara kar rahe hain. Main ne bhi unko mana karna thik nahi samjha aur baith gaya jaise bhi baith paya. Phir bahar dekha to pahle ki tarah khet, ghar, gao sab peeche bhag rahe the, shaam ho gayi thi thoda andera sa tha, kheto main koi kaam karne wala nahi tha, log gharo ke bahar ya sadko per he dikh rahe the. Ab mujhe mitti ki khusbo aur thandi hawa mahsoos ho rahi thi, halki need si aane lagi thi. Main duske log main jaane he wala tha ki,  kisi ne mere aram main khalal dala, mere samne ek sardaar ji baithe the unko machcharo se badi problem ho rahi thi, calcutta ki trains ki safai ki baatain karne lage mujhse, main hain-hain karta raha, jab jyada ho gaya to main ne ucchi tone main kaha ye local train hai jiska sabse sasta ticket 2-/ ka hai, machchar to ayenge aur phir unhone ne mujhse koi baat nahi ki. Main phir bahar dekhne laga aur phir wahi sab meri aankho ke saamne tha jo kuch main iss train se dekhna chahta tha, jo feel kiya aur dekha wo expected se jyada accha lag raha tha. Phir mujhe pata he nahi chala time kaise guzar gaya, 30 min baad ataria station pahuch gaya. Train se utar kar inderpal bhaiya ko call kiya main ne aur bola ki station ke gate per huin, phir wo wahain aaye aur main unke saath apne gao ki taraf chal diya.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s